Autoriteti Rrugor shqiptar u ka bërë thirrje drejtuesve të mjeteve që të bëjnë kujdes në segmentin rrugor Qafë Qarri-Korçë-Dardhë-Voskopojë. Me anë të një postimi në Facebook, ARRSH shkruan se qarkullimi në këtë segment kryhet pa asnjë problem, duke shtuar se për shkak të temperaturave të ulta drejtuesit e mjeteve duhet të kenë kujdes.
Postimi i ARRSH-së:
Në segmentin rrugor Qafë Qarri- Korçë-Dardhë-Voskopojë ka pasur reshje dëbore me intensitet mesatar. Mjetet borëpastruese janë në terren për të bërë pastrimin e plotë të aksit dhe shpërndarjen e kripës. Qarkullimi kryhet pa probleme. Drejtuesit e mjeteve të bëjnë kujdes në lëvizje, pasi priten temperatura të ulëta, të respektojnë sinjalistikën rrugore të reduktojnë shpejtësinë dhe të pajisen me zinxhirë dhe goma dimërore.