Reshjet e dëborës, temperaturat dhe ngricat prej disa ditësh mbizotërojnë në disa qarqe të vendit. Krahas problemeve në qarkullimin e mjeteve, shqetësime të tjera ka patur edhe në furnizimin me energji elektrike si dhe dëmtimet e hapësirave publike.
Qytetarët raportojnë se në qytetin e Burrelit, përveç rrugëve të cilët mbeten ende të bllokuara e ku bashkia e Matit nuk ka angazhuar asnjë punonjës për pastrimin e tyre, dëme të pallogaritshme janë konstatuar edhe në hapësirat publike të qytetit, pikërisht në lulishten 90 vjeçare ku me dhjetra pemë janë thyer, duke rrezikuar edhe jetën e banorëve.
Deri në këto momente, nuk ka asnjë angazhim nga ndërmarrjet e bashkisë për shpëtimin e dhjetra të tjerave që rrezikojnë të thyhen apo lirimin e rrugëve të bllokuara.
Qytetarët shprehen se kushtet në këtë bashki janë tejet të vështira dhe se nga autoritet lokale nuk ka asnjë reagim apo përpjekje për ti ardhur në ndihmë qytetarëve.
