Reshje të dendura të shiut dhe një erë e fortë, është situata në vend. Nisur nga këto kushte atmosferike, kapiteneria e Vlorë ka njoftuar se është ndaluar dalja në det e të gjitha mjeteve të vogla lundruese.
Kjo masë ndaluese ka hyrë në fuqi që sot në orën 08:00 dhe do të jetë në zbatim të paktën deri në orën 16:00 të së nesërmes, ku pritet të ketë një përmirësim të motit.
Ndërkohë, sa i përket anijeve të transportit ndërkombëtar detar, ato do të vazhdojnë të operojnë normalisht sipas destinacioneve.