Kthjellime dhe vranësira të shpeshta do të dominojnë orët e para të ditës në të gjithë vendin. Sipas Meteoalb, më të dendura paraqiten në zonat malore duke gjeneruar edhe reshje të paka.
Pasditja dhe nata sjellin përmirësim të kushteve atmosferike, ku kthjellimet dhe vranësirat mbeten prezent por pa reshje.
Era do të fryjë e lehtë dhe mesatare me shpejtësi 35 km. h nga drejtimi lindor-juglindor, duke krijuar në det dallgëzim tre ballë.
Temperaturat e ajrit mbeten konstante në mëngjes dhe mesditë duke luahtur vlerat ditore nga -3 deri në 15 gradë Celcius.