Shërbimi Meteorologjik parashikon se vendi ynë do të jetë nën ndikimin e një fronti të ftohtë atmosferik.
Për orët në vazhdim e deri në orët e para të ditës së nesërme presim përkeqësim të kushteve të motit me intensifikim të reshjeve të shiut.
Përgjatë vijës bregdetare por kryesisht në qarqet Shkodër, Lezhë, Vlorë dhe Gjirokastër reshjet do të jenë edhe në formën e stuhive dhe rrebesheve afatshkurtra.
Pas orëve 18:00 për shkak të rënies së temperaturave në zonat malore në lartësinë mbi 800 metër reshjet do të konvertohen në reshje dëbore.
Në zonën e Alpeve dhe në zonën malore Verilindore dhe Juglindore deri në mesnatë reshjet e dëborës do të jenë me intensitet të lartë.