Motorola është gati të të hyjë sërish fuqishëm në tregun e smartphone. Kompania ka bërë të ditur për një event që do të mbahet më 13 nëntor në Los Angeles, ku do të zbulohet “një ikonë e rikrijuar”.
Bëhet fjalë për një smartphone Razr që mund të hapet e të mbyllet, një pajisje për të cilën Motorola ka thënë më herët se është duke punuar.
Sipas zërave që qarkullojnë produkti nuk do të jetë një smartphone që hapet më dysh anash, për të arritur përmasat e një tableti, siç bëri samsung me Galaxy Fold, apo Huavvei me Mate Z. Përkundrazi, do të jetë një telefon që hapet vertikalisht. Në ftesë lexohet fjalia “You’re going to flip”, dhe është emri flip-phone me të cilin identifikohen telefonat e këtij lloji.