Pasi akuzoi gjithë klasën politike për plagjiaturë me diplomat e tyre, ish-zv.ministri i Arsimit Taulant Muka ka hedhur akuza edhe ndaj kryetarit të Partisë Demokratike Lulzim Basha. Muka shkruan në ‘Facebook’ se kryeopozitari i filloi studimet në vitin 1993 në Hollandë dhe pastaj përfundoi në një universitet që nuk njihet jashtë sistemit të Hollandës. Pas publikimit të këtij lajmi nga Muka nuk ka ende një reagim nga lideri i opozitës.
Postimi i Mukës:
Mashtrimi i Lulzim Bashës! Lulzim Basha thotë që filloi studimet në Holandë në 1993, por mbaron vetëm një vit shkollë në Utrecht të Holandës në 1999. Më pas shkon e përfundon diku studimet (një zot e di ku) për të marrë më vonë një Master! Në Holandë, “propedeuse” është një diplomë e lëshuar pas vitit të parë të studimeve, shpesh të referuara si “P” nga studentët. Kjo lloj diplome nuk njihet jashtë sistemit arsimor holandez. Për rrjedhojë, pyetja që lind është: në cilin universitet mbaroi studimet Bachelor z. Basha? Por kur ka shërbyer si avokat për organizatat ndërkombëtare në 1997-1999 siç pretendon z. Basha, me çfarë diplome ka ushtruar profesionin? / P. Hasa /