Ish kandidati për deputet i LSI, Ralf Gjoni, që me shumë gjasa do i bashkohet ‘Kuvendit të ri’ ka takuar raportuesin për Shqipërinë në Parlamentin Europian, Knut Fleckenstein.
Gjoni ka publikuar një foto nga një lokal ku ka pirë kafe me Fleckenstein.
‘Me mikun tim të mirë Knut Fleckenstein MEP duke diskutuar për të ardhmen e Shqipërisë, nën diellin e Tiranës që po ndriçon’, shkruan Gjoni bashkengjitur fotos.
Ky takim përforcon faktin që Ralf Gjoni nuk do i thotë jo propozimit për deputet si kandidat në listën e pritjes.
Kujtojmë prej dy ditësh delegacioni i PE ka zbarkuar në Tiranë për të parë situatën politike në vend.