Nënat që kujdesen për një fëmijë të porsalindur mund të duken shtatë vite më të mëdha në moshë, për shkak të mungesës së gjumit, sipas një studimi të kryer së fundmi.
Shkencëtarët monitoruan 33 nëna gjatë shtatzënisë dhe gjatë vitit të parë të jetës së foshnjave të tyre. Mungesa e gjumit mund t’i bëjë ato të ndjeshme ndaj problemeve kardiake dhe kancerit, shkruan “The Sun”.
Ekspertët morën mostra të ADN -së për të studiuar dhe përpunuar “moshën e tyre biologjike”.
12 muaj nga lindja, mosha biologjike e nënave që flinin më pak se shtatë orë gjatë natës ishte midis tre deri në shtatë vjet më e madhe, kur foshnja e tyre ishte gjashtë muajshe.
Nënat që flinin më pak se shtatë orë gjatë natës gjithashtu kishin telomere më të shkurtra, pjesë të ADN -së, në qelizat e tyre të bardha të gjakut.
Judith Carroll, një profesoreshë nga Universiteti i Kalifornisë në Los Anxhelos, tha: “Shëndeti nga gjumi është po aq jetësor për shëndetin e përgjithshëm sa dieta dhe stërvitja. Muajt e parë të privimit nga gjumi pas lindjes mund të kenë një efekt të qëndrueshëm në shëndetin fizik. Ne e dimë nga kërkimet se fjetja më pak se shtatë orë gjatë natës është e dëmshme për shëndetin dhe rrit rrezikun e sëmundjeve të lidhura me moshën.”
Carroll tha se nënat e reja duhet të përpiqen të bëjnë një sy gjumë kur foshnjat e tyre flenë gjatë ditës. Ajo gjithashtu tha se nënat duhet të përpiqen të pranojnë ndihmë nga familja dhe miqtë dhe të kërkojnë që edhe partneri t’i ndihmojë natën nëse është e mundur.
Ekspertët thonë se mungesa e pushimit gjatë natës lidhet me dobësimin e trurit.