Deputeti Myslym Murrizi ka shpërthyer në Kuvend pas raportimit të Gentiana Sulës së Autoritetet të Dosjeve të Sigurimit. Ai tha se janë 30 vite që janë tallur me qytetarët pasardhës të atij sistemi që kishte 150 mijë spiunë.
“Sa herë guxon të preken vijat e kuqe e si bëhen solidarë me njëri tjetrin, si shoqe semafori me të njëjtën gjatësi minifundi. Njëri e çon në Kushtetuese, tjetri hesht, coje ti këtë herë i thotë. 30 vite, po shkoj unë në prag të pensionit dhe bastardët që janë tallur me këta qytetarë, janë të pangopur, të pacipë, grykësi që do e kishte zili çdo kafshë, nuk heqin dorë. Janë pis deri në fyt. Një deklaratë bëri Vuçiç pasi ia kërkoi BE, dekonspiro spiunët, si zjeu tenxherja në Tiranë. Nuk ka më turp, një populli i përbuzur 45 vite nga të pafytyrë që kanë ardhur gjasme në emër të demokracisë në këto 30 vite. Do doja shumë që shqiptarët të vinte një ditë e ti njihnin dhe kryqëzonin. Nëse do të donin të votonin, le të votojnë. 156 mijë spiunë janë shumë. I bie 30 spiunë për qendra votimi, e imagjonin çfarë bëhet”, tha Murrizi.