Policia britanike ka vënë në pranga dy shqiptarë, të akuzuar për trafikim të lëndëve narkotike.
Operacioni policor u zhvillua në zonën e Bangor High Street, ku shqiptarët Elidon Hodaj, 27 vjeç dhe Landi Ruçi, 32 vjeç, po kujdeseshin për 2000 bimë narkotike të ndara në katër kate, me vlerë një milionë paund.
Të dy të pandehurit kanë pranuar sot se kanë prodhuar një drogë të kontrolluar të klasit B nga 31 dhjetori i vitit të kaluar deri më 30 janar të këtij viti.
Ata pretenduan para gjykatës se familjet e tyre ishin kërcënuar dhe se nuk ndiheshin të sigurt në Shqipëri.
Ruçi dhe Hodaj u dënuan përkatësisht me dy vite e dy muaj burg.