Kryeministri Edi Rama inspektori sot Ujësjellësin e ri në Krujë. Teksa afrohej pranë Ujësjellësit, Rama kërkoi një shishe apo gotë për ta mbushur dhe për ta pirë. Pasi u ul mbushi shishen, e ktheu duke bërë dhe një ‘reklamë’.
“Presioni gjë e mirë, hajde gëzuar, me këtë ujë të freskët nga Kruja, uji i pijshëm i Krujës 24 orë. Perfekt,”- tha Rama dhe shishen ia kaloi Milva Ekonomit.
Me të njëjtën shishe, piu dhe Ekonomi dhe tha: Apo s’qenka dhe i ftohtë….
Më pas shishen nga Ekonomi, e mori edhe Artur Bushi, kryebashkiaku i Krujës. Duke qeshur, ai e ktheu shishen e ujit dhe piu ujë gjithashtu. Të tre nisën të ecnin duke qeshur, pasi pinë ujë nga e njëjta shishe.