Aktorja Louise Fletcher është ndarë nga jeta në moshën 88-vjeçare.
Ajo u bë e njohur për publikun e gjerë si infermierja në “In the Cuckoo’s Nest”, rol që i dha edhe një Oscar për aktoren më të mirë.
Andrew Bick, djali i saj, tha për Hollywood Reporter se ajo vdiq në gjumë në shtëpinë e saj në Francë.
Aktorja fitoi çmimin Oscar për aktoren më të mirë kryesore në vitin 1976 për portretizimin e saj të infermieres së pamëshirshme Mildred Ratched. Filmi gjithashtu fitoi çmime për filmin më të mirë, regjinë më të mirë, aktorin më të mirë kryesor dhe skenarin më të mirë.