Një ngjarje e rëndë ka ndodhur në Itali, ku një 20-vjeçare ka ndërruar jetë pasi ka konsumuar tiramusi në një restorant.
E reja ndërroi jetë në spitalin San Raffaele në Milano.
Sipas raportimeve, ajo ishte duke darkuar me të dashurin e saj në 26 janar të vitit të kaluar në një restorant në qendër të qytetit, ku pasi konsumoi disa lugë tiramisu e reklamuar si vegane (pa përmbajtje bulmeti ose mishi) pësoi një shok anafilaktik dhe humbi jetën 10 ditë më vonë.
Dy gratë që drejtojnë dyqanin e ëmbëlsirave po hetohen për vrasje nga pakujdesia, shkruan e përditshmja vendase Corriere della Sera. Hetimet kanë sugjeruar se ato kishin përzier etiketat e ëmbëlsirave që përmbanin qumësht me ato që duhet të ishin vegane.
Në deklaratën e prokurorëve Tiziana Siciliano e Luca Gaglio u përdorën informacione nga përgjime ku thuhej se drejtueset e dyqanit, nënë e bijë, nuk bënin ndarje të plotë të produkteve vegane dhe me përmbajtje bulmeti, dhe se furnizonin edhe restorante të tjera me produktin “tiramisu vegane”.
E ndjera Bellisario kishte kontrolluar etiketën kur porositi tiramisu dhe kërkoi informacione prej alergjisë së saj. Ndërkohë, produkti në fjalë Tiramisu Mascherpa, është tërhequr nga tregu prej autoriteteve.