Ministria e Shëndetësisë bëri të ditur se mëngjesin e sotëm ka ndërruar jetë një 90-vjeçar në spitalin infektiv, i cili prej 11 ditësh ishte i intubuar.
Sipas të dhënave zyrtare ai vuante edhe nga sëmundje shoqëruese, si diabeti, astma bronkiale, hipertensioni arterial.
Shkon kështu në 25 numri i personave që kanë ndërruar jetë për shkak të koronavirusit në Shqipëri. Në total numri i të prekurve është 494 ku 19 raste të reja ishin vetëm ditën e djeshme. Megjithatë për autoritetet zyrtare shëndetësore kurba vijon të mbetet e qëndrueshme.