Ndahet nga jeta në moshën 78-vjeçare, ikona e ekranit italian Raffaella Carrà. Ajo ndërroi jetë sot në orën 16:20 të pasdites pas një lufte të gjatë me një sëmundje të rëndë. Lajmin e trishtë e ka bërë të ditur koreografi i famshëm Sergio Iapino, i cili edhe i ka dedikuar disa fjalë mikes së tij.
“Raffaella na ka lënë. Ajo shkoi në një botë më të mirë, ku njerëzia e saj, e qeshura e saj e pagabueshme dhe talenti i saj i jashtëzakonshëm do të shkëlqejnë përgjithmonë,”- ishin disa nga fjalët prekëse të tij.