Vetëm pak ditë pas dy aksidenteve të rënda rrugore dhe apelit të këshillit bashkiak Mat e Prefekturës Dibër, në lidhje me problemet e krijuara në qarkullimin rrugor Mat, Policia Rrugore e Drejtorisë Dibër prej 48 orësh po zhvillon një operacion në të gjitha akset rrugore të qarkut, me qëllim kontrollin dhe sigurinë që paraqesin automjetet e transportit publik për udhëtarët.
Mësohet se janë ushtruar kontrolle me drager tek drejtuesit e automjeteve për të parë nëse kishin konsumuar e pije alkoolike apo jo.
Gjatë këtij
operacioni janë vendosur gjithsej 110 masa administrative, nga këto 41 janë
dërguar për komision, dhe pjesa tjetër për shkelje të ndryshme të Kodit Rrugor.
Janë tërhequr 4 leje drejtimi
Janë bllokuar 2 motorçikleta dhe 1 automjet. Është arrestuar 1 drejtues mjeti,
si dhe është proceduar penalisht një tjetër.
Kontrolle të tilla do të vazhdojnë edhe në ditët në vijim pasi qëllimi i Policisë Rrugore, është rritja parametrave të sigurisë në rrugë për udhëtarët dhe të gjithë përdoruesit e rrugës.
Në qytetin e Burrelit humbi jetën një fëmijë 10 vjec, ndërsa në Maqellarë u aksidentuan për vdekje burrë e grua, duke lënë jetimë katër fëmijë të vegjël.