Kryeministri Edi Rama ka marrë pjesë në mbledhjen e Akademisë së Shkencave ku janë pranuar edhe 17 anëtarë të rinj të Akademisë. Ai tha se ka ikur koha kur titujt akademikë jepeshin si dekoratat presidenciale, duke shigjetuar kështu kreun e shtetit Ilir Meta.
“Prej shumë vitesh në emrin e Skënderbeut, Naim Frashërit apo Nënë Terezës në një kohë kur aq sa mund të ndjehesh krenar që për arsye legjitime të marrësh një prej tyre aq ndjehesh i poshtëruar kur të nesërmen e sheh se të njëjtën gjë e merr dhe një usta i tallavasë. Dhe pse jemi një vend me histori shumë të gjatë akademik, që nga ajo e Voskopojës në 1750 që de facto unë besoj që sot pranimi i 17 anëtarëve të jashtëm, krijimi i komsioneve të përhershme sipas fushave të caktuara kërkimore, hulumtimi në shkenca të reja, rritja e qendrës së botimeve|, tha ai.
Në kuadër të kësaj, Rama tha se i ka kërkuar akademisë ndihmë për hartimin e ligjit të ri për medaljen.
“Ndihmën për ligjin e ri të medaljeve, i domosdoshëm për të integruar Shqipërinë në botën e shteteve ku sundon racionaliteti. Dhe jo vetëm për të por dhe për të tjera punë që besoj se kjo akademi sot është e gatshme ti marrë përsipër jo sepse këtu kanë munguar njerëzit e ditur, përkundrazi, po sepse këtu ka munguar deri në këtë kohë të fundit lidershipi, organizimi dhe dëshira për tua vënë dijen e këtyre njerëzve në dispozicin sifdave të vendit përmes një institucioni serioz”, tha ai.