Në mbledhjen e Këshillit të Ministrave është miratuar lirimi nga detyra i zv.ministrit aktual të Infrastrukturës dhe Energjisë, Endrit Molla. Në vend të tij është emëruar Ami Kozeli.
Kujtojmë se Endrit Molla e mbante këtë post që prej 27 dhjetorit të vitit 2022.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, ‘Për organizimin dhe funksionimin e Këshillit të Ministrave’, me propozimin e Kryeministrit, Këshilli i Ministrave. V E N D O S I: Ami Kozeli emërohet zëvendësministër i Infrastrukturës dhe Energjisë. Ky vendim hyn në fuqi menjëherë dhe botohet në ‘Fletoren zyrtare’”, thuhet në vendim.