Kreu i Partisë Demokratike Lulzim Basha mbledh aleatët ditën e sotme në orën 16:00 në selinë blu. Takimi zhvillohet një orë para mbledhjes së Këshillit Politik, kërkuar nga vetë opozita për të diskutuar ndryshimet kushtetuese. Pjesë e diskutimeve pritet të jenë zhvillimet e fundit politike në vend.
Më herët gjatë ditës së sotme kryedemokrati Basha zhvilloi një takim dhe me presidentin Ilir Meta pikërisht për miratimin e marrëveshjes së 5 qershorit në Kuvend si dhe diskutimin e ndryshimeve kushtetuese në Këshillin Politik, ku Meta i kërkoi opozitës të vijojë dialogun në këtë këshill.