Komisioni Europian ka prezantuar sot propozimin për metodologjinë e re të zgjerimit. Komisioneri për zgjerimin, Oliver Varhelyi thotë se qëllimi i propozimit është të rivendosë perspektivën e besueshme të BE për Ballkanin Perëndimor.
“I gjithë procesi duhet të jetë më i besueshëm, më i parashikueshëm, më dinamik dhe më politik”, tha ai.
Pikat kryesore të dokumentit përfshijnë përmbledhjen e kapitujve negociues në fusha tematike, mundësinë e vlerësimit të reformave me më shumë fonde, por gjithashtu sanksionon mungesën e përparimit duke vendosur negociatat në fusha të caktuara, ose në raste më të rënda, pezullim i përgjithshëm i tyre.
Një fokus më i madh duhet ti jepet bazave për sundimin e ligjit dhe institucioneve demokratike propozon Komisioni. Sipas dokumentit, BE duhet të tregojë përkushtimin e saj të palëkundur për një proces të bazuar në meritë, dhe mekanizma si samite të rregullta BE-Ballkani Perëndimor, konferenca ndërqeveritare specifike për vendin dhe një përqëndrim në çeshtjet politike nga organet e Stabilizim Asociimit.
Një tjetër propozimi i dukshëm është dhe angazhimi politik publik i autoriteteve të tyre për qëllimin strategjik të pranimit në BE që do të vlerësohet më qartë në raportet vjetore.
Ndryshimet e propozuara nuk përfshijnë vendet që kanë nisur tashmë proceset e tyre të pranimit, Serbia dhe Mali i Zi. Sidoqoftë, ata mund të vendosen brenda kornizave ekzistuese me marrëvshjen e këtyre vendeve.
“Mesazhi im për miqtë tanë të Ballkanit Perëndimor për procesin e zgjerimit të BE: Sot Komisioni Evropian propozon një plan të besueshëm dhe dinamik, duke i hapur rrugën çeljes së negociatave me Maqedoninë e Veriut dhe Shqipërinë. Zgjerimi i BE është një situatë “vvin-vvin”, shkruan në Tvvitter Ursula von der Leyen.