Ish sekretarja e Gjykatës Administrative të Vlorës është ndaluar në akuzën e shpërdorimit të detyrës.
Sipas burimeve zyrtare, Edlira Shehu dyshohet se ka ndryshuar disa vendime të gjykatës duke favorizuar palët sipas interesit vetjak.
Ndaj saj rëndojnë akuzat e shpërdorimit të detyrës dhe zhdukjes ose humbjes së fashikullit.
NJOFTIMI
Goditet një tjetër rast i krimit ekonomik me anë të metodave speciale proaktive.
Kapet dhe ndalohet një shtetase, pasi dyshohet se ka shpërdoruar detyrën për qëllime përfitimi.
Specialistët e krimit ekonomik e financiar pranë Drejtorisë Vendore të Policisë Vlorë, me anë të metodave speciale proaktive të hetimit kanë bërë zbatimin e urdhrit të prokurorit për ndalimin e të dyshuarës:
Sh., 43 vjeçe, banuese në Tiranë, me detyrë ish-sekretare gjyqësore pranë Gjykatës Administrative Vlorë.Nga hetimet e kryera ka rezultuar se përgjatë periudhës kohore dhjetor 2018 – nëntor 2019, kur kjo shtetase ka qenë në marrëdhënie pune, dyshohet se ka ndryshuar disa vendime të gjykatës duke i favorizuar palët sipas interesit vetjak.
Materialet iu referuan Prokurorisë, për veprime të mëtejshme, në ngarkim të saj, për veprat penale “Shpërdorim detyre” dhe “Zhdukja ose humbja e fashikullit”