Në vitin 2015 ambintalisti malazez, Darko Saveljiç hapi fermën e gomerëve, për t‘i mbrojtur ata nga keqtrajtimi. Sipas tij, sot ku kanë kaluar 5 vjet ai thotë se malazesët nuk i respektojnë të drejtat e kafshëve prandaj dhe mori iniciativën për të hapur këtë fermë gomerësh.
Ai shpjegon se kur kishte pyetur në zyrën e statistikave në Malin e Zi i kishin thënë se kanë mbetur vetëm 300 gomerë, dhe pasi kishte marrë vesh këtë lajm kishte kuptuar se gomari ishte kafsha që rrezikonte të zhdukej në Malin e Zi, kishte vendosur t’i mbronte ata në fermën e re që ndërtoi për ta. Sipas tij, gomari është një ndër speciet që përfshihet në trashëgiminë kulturore të Malit të Zi.