Meghan Markle ka lindur më 4 gusht 1981, në Los Angeles. Ajo e ka nisur karrierën e saj si aktore dhe modele. Ndërsa u bë e famshme pasi luajti në dramën “Suits”, në fakt sot njihet për marrëdhënien e saj me Princin Harry. Pas martesës së tyre në vitin 2018, ajo u bë Dukesha e Sussex-it.
Marrëdhënia e tyre u ndesh me një farë polemikash, veçanërisht brenda tabloideve britanike. Martesa u konsiderua gjithashtu si një devijim nga martesat tradicionale brenda familjes mbretërore britanike, veçanërisht pasi Meghan ishte divorcuar më parë.
A e dini se?
1. Emri i plotë i Meghan Markle është Rachel Meghan Markle, ndonëse ajo ka qenë gjithmonë “zyrtarisht” ‘Meghan Markle’.
2. Prindërit e saj ishin të përfshirë në industrinë e argëtimit, gjë që kontribuoi në aspiratat e hershme të karrierës së Markle. Babai i Meghan ishte një designer ndriçimi dhe nëna grimiere.
3. Meghan studioi në Northwestern’s School of Communication, me një diplomë të dyfishtë në Teatër dhe Studime Ndërkombëtare.
4. Në fillim të karrierës, ajo kishte menduar të ndiqte politikën përpara se të hynte në industrinë e argëtimit.
5. Gjatë gjithë karrierës së saj, Meghan u shfaq në filma dhe seriale të shumta televizive, megjithatë karriera e saj mori hov kur ajo u përfshi në “Suits”, ku luajti rolin e Rachel Zane për shtatë seri.
6. Meghan dhe Harry kanë ndërmarrë shumë bamirësi së bashku. Meghan ka qenë pjesë e fushatave për çështjet e grave, shëndetin e tyre dhe aksesin në kujdesin shëndetësor.
7. Meghan dikur drejtonte një blog lifestyle, të njohur si “The Tig”. Por faqja u mbyll sapo Meghan u martua me Princin Harry.
8. Kur kërkonte të siguronte të ardhura financiare, Markle punoi në fillim si kaligrafe, madje punoi edhe me “Dolce & Gabbana”.
9. Në moshën trembëdhjetë vjeçare, nisi punën e saj të parë në një dyqan lokal jogurti, “Humphrey Yogart”.
10. Meghan dhe Princi Harry u prezantuan nëpërmjet një miku të përbashkët, i cili u la një takim në “Soho House”, në Londër. Që atëherë dyshja e ka përshkruar takimin si përrallor, duke thënë se ata ndjenë një lidhje të menjëhershme me njëri-tjetrin.