Selixa është një fshat i vogël rrëzë malit të Qafë Shtamës. Në pranverën e ‘97-ës, 23 banorë, kryesisht fëmijë e gra humbën jetën tragjikisht. Shkak u bë shpërthimi i municioneve luftarake në tunelet e këtij fshati.
Ministria e Mbrojtjes herë pas here është interesuar për sigurimin e jetës së banorëve të mbetur në fshatin malor. Hyrjet e tuneleve janë mbyllur ndërkohë zona është pastruar nga municionet ushtarake.
Sakaq, në pyjet pranë fshatit banorët kanë pikasur përsëri predha luftarake, kryesisht në zona të pyllëzuara dhe larg qendrave të banuara. Autoritetet vendore kanë kërkuar ndihmën e dikasterit të Mbrotjes për të dërguar specialistë të xhenios në Selixë. Që sot ekspertët janë rikthyer në zonën e infektuar për të larguar municionet e mbetura nga shpërthimi i tuneleve në vitin 1997.
