Sali Berisha është thirrur këtë të martë nga Prokuroria e Posaçme për ta marrë në pyetje për aferën ”Partizani”. Prej tre javësh Berisha ndodhet në ”arrest shtëpie”, ndërsa po hetohet për korrupsion pasiv. Seanca pritet të mbahet në orën 10:00, ndërsa nuk dihet nëse Berisha do të shkojë, apo do të paraqesë vetëm avokatët.
Më 25 janar, SPAK-u ka thirrur për të marrë në pyetje edhe dhëndrin e tij Jamarbër Malltezi, në hetim edhe për pastrim parash për privatizimin e ish-kompleksit sportiv Partizani.
Lexo edhe :
Mes këtyre 2 datave, pritet një zhvillimi rëndësishëm. Gjyqtarja e Apelit të Posaçëm, Ilirjana Olldashi do të shqyrtojë kërkesën e Berishës për heqjen e “arrest shtëpie” dhe përjashtimin e Irena Gjokës, gjyqtares që ka caktuar masën e sigurimit personal ndaj ish-kryeministrit.