Krirurgu i përgjithshëm, Fabjan Mustafaj thotë se në Shqipëri njerëzit nuk dhurojnë organe, njësoj siç ndodh në vendet e tjera. Sipas tij është gati e pamundur që t’i hiqet zemra një personi të vdekur për ta dhuruar te një tjetër person që ka nevojë.
“Jemi të kufizuar sa i përket transmetimit të organeve në Shqipëri. Zemrën akoma jo dhe do shumë kohë, e para sepse duhet të jetë një dhurues që të ketë vdekur e t’i merret zemra, gjë që në Shqipëri është pak e pamundur sepse në Shqipëri nuk dhurojnë si në vendet e tjera, nuk japin miratimin e tyre për të dhuruar”,-u shpreh Mustafaj.
Dhurimi dhe transplantimi i organeve është një proces kirurgjik për të zëvendësuar një organ të dështuar me një të shëndetshëm nga dikush tjetër që nuk ka nevojë për të. Dhuruesit e organeve zakonisht janë njerëz të vdekur së fundmi, të cilët ose dolën vullnetarë përpara vdekjes së tyre për të dhuruar organet e tyre më pas, ose kur i dhurojnë familjarët.