Zinedin Zidan ka vendosur të largohet nga Real Madrid sido që të përfundojë ky sezon. Lajmi vjen nga Spanja, më saktësisht nga “TeleMadrid”, i cili ka mësuar nga burime në klub se vendimi është marrë prej kohësh.
Ka qenë vetë trajneri francez ai i cili disa muaj më parë i ka komunikuar vendimin drejtuesve, duke parë se kritikat drejt tij vazhdonin, edhe pse nuk ishte ai përgjegjësi i një merkatoje që linte për të dëshiruar në klub.”TeleMadrid” bën të ditur se nuk do të ketë më prapakthehu për Zidan dhe kjo do të mbyllë përfundimisht eksperiencën e tij në Madrid, në kërkim të një aventurë të re.
Për teknikun francez hapën skenarë të rinj, ku njëri e sheh atë në stolin e përfaqësueses së Francës, në vend të Deshamp pas përfundimit të Europianit apo Botërorit. Ndërsa një variant tjetër është ai i Juventusit, që ëndërron kthimin e ish-futbollistit, që ka mbetur shumë i lidhur me bardhezinjtë.