Ministrja e Shëndetësisë bën apel për respektimin e masave të vendosura për COVID-19 teksa bën të ditur se në spitalin infektiv ka të shtruar dhe të rinj me simptoma të rënda.
Ajo vë theksin në uljen e vigjilencës së qytetarëve dhe neglizhencën e tyre duke kërkuar të vendosin maskë dhe të respektojnë distancimin fizik.
“Sot, ka shumë të rinj që me kontaktet e shpeshta me njëri-tjetrin, pa i respektuar rregullat, rrisin mundësinë e përhapjes së infeksionit dhe e përcjellin atë tek prindërit, gjyshërit, duke i vënë ata në rrezik serioz!
Vetëm me kontributin e të rinjve, për të marrë përgjegjësi individuale në këtë kohë të pazakontë, përhapja e coronavirusit të rrezikshëm mund të frenohet!”, shkruan ministrja.
Ndaj Manastirliu apelon:
Vendose maskën🙏🏼
Ruaj distancën
Laj shpesh duart
RuajVeten #RuajTëTjerët