Xhezmije Hoxhallari, mamaja e Anxhelinës së vararë nga babai, e cila jeton në Berat tregon se ka mësuar për vdekjen e së bijës nga mediat, ndërkohë që ka hapur dyert e mortit në banesën e saj.
Xhezmije Hoxhallari tregon se u nda 12 vite më parë nga babai i Anxhelinës, 52-vjeçari Aleko Petro dhe u martua sërish.
Nëna e 28-vjeçares tregon mes lotësh se ka 12 vite që nuk e ka takuar të bijën, që në moshën 16-vjeçare vajza u largua në Greqi për të jetuar me të atin, pasi ish-bashkëshorti nuk e lëjonte ta takonte.
Xhezmija tregon se Anxhelina kishte krijuar marrëdhënie shumë të mirë me vajzën e bashkëshortit të dytë, Klean, të cilën nëna e 28-vjeçares e rriti që të vogël.
Gjithashtu ajo tregon se dy ditë më parë Anxhelina i kishte uruar përmes Kleas, ndërkohë shrehet se ish-bashkëshorti i saj ishte i dhunshëm dhe mjaft xheloz dhe kjo ka qenë edhe arsyeja e ndarjes së tyre.
Ndërsa për lidhjen e vajzës me një afgan, Xhezmije Hoxhallari thotë se nuk ishte në dijeni, megjithatë kërkon nga drejtësia greke dënimin maksimal për vrasjen e së bijës.