Pak ditë më parë, një 26-vjeçari aksidentoi me makinë një studente në Greqi, duke e lënë të vdekur.
Prindërit e të ndjerës kanë kërkuar dënim maksimal për shqiptarin. E ëma u shpreh se autori ishte lënë i lirë me tolerancën e shtetit, pasi ka qenë edhe më parë nën hetim për trafik droge.
“Njeriu që vrau fëmijën tim ishte hetuar më parë sepse kishte helmuar fëmijë me drogë. Ai nuk kishte as patentë shofer. Ai nuk kishte letra dhe ishte nen hetim për trafik droge. Ai ishte i lirë me tolerancën e shtetit”, mësohet të ketë thënë e ëma e të ndjerës për mediat greke.