Në Gjykatën e Tiranës është hedhur shorti për dosjen e lobimit në SHBA ku të pandehur janë kreu i PD-së, Lulzim Basha, ish sekretari i përgjithshëm Arben Ristani dhe financieri Ilir Dervishi.
Sipas shortit, dosja është në dorë të Fatmira Hajdarit, nënës së Rudina Hajdarit, deputetes “rebele” të PD-së që nuk hoqi dorë nga mandati. Mësohet se pjesë e trupës janë Shpresa Becaj dhe Aludin Malaj.
Tre personat akuzohen për “Falsifikim të dokumenteve dhe formularëve”, pasi nuk kanë bërë deklarimin e shumës në pasqyrat financiare të Partisë Demokratike pranë Komisionit Qendror të Zgjedhjeve. Ndërsa u pushuan hetimet për ‘Pastrim të produkteve të veprës penale’. Pagesa totale prej 675 mijë dollarësh, e bërë për llogari të PD-së drejt kompanisë lobuese në SHBA, ka shërbyer për disa takime dhe foto me zyrtarë të lartë amerikanë.