Ish-presidenti rus, Dmitry Medvedev, ka kërcënuar Perëndimin me luftë bërthamore nëse Rusia shtyhet përsëri në kufijtë e vitit 1991.
Në një postim në rrjetin social “Telegram”, nënkryetari aktual i Këshillit të Sigurimit rus përsëriti se kthimi i Ukrainës në kufijtë e saj të vjetër do të ishte në kundërshtim me kushtetutën ruse, veçanërisht pasi territoret e pushtuara në Ukrainën lindore dhe Krime tashmë janë aneksuar si pjesë integrale e Rusisë.
“Dhe tani vijmë te pyetja kryesore: a besojnë vërtet këta idiotë (në Perëndim) se populli rus do të pranonte një shpërbërje të tillë të vendit të tyre? Në vend të kësaj, ushtria ruse do të sulmonte Uashingtonin, Berlinin ose Londrën përveç Kievit”,- ka shkruar Medvedev.