Gjykata Ndërkombëtare e Drejtësisë (GJND) në Hagë bëri me dije se ditën e mërkurën do të marrë vendim mbi një çështje të ngritur nga Ukraina kundër Rusisë, duke e akuzuar këtë të fundit për justifikim të rremë të pushtimit të saj.
Kjo çështje u ngrit nga Ukraina menjëherë pasi Rusia nisi ofensivën e saj më 24 shkurt. Kievi akuzon Moskën për përdorimin e pretendimeve të rreme sipas të cilave forcat ukrainase po kryenin gjenocid në zonat e kontrolluara nga separatistët në rajonin e Donbasit. Pra ky nuk ishte gjë tjetër veçse një pretekst për të sulmuar.
Ndërkohë, zyrtarët rusë nuk u paraqitën në një seancë të mëparshme në Gjykatën Botërore të OKB-së më 7 mars. Në një deklaratë, Gjykata e Hagës tha se gjykata do të dorëzojë urdhrin e saj në orën 16:00 me orën lokale (1500 GMT) të mërkurën, 16 mars, raporton “BBC”.
Një hetim i veçantë për krimet e luftës është nisur gjithashtu nga Gjykata Penale Ndërkombëtare për të shqyrtuar akuzat, e cila pritet të zgjasë më shumë në kohë.