Eksperti i kriminalistikës, Ervin Karamuço ka treguar zonat më problematike që sipas tij duhen mbajtur nën vëzhgim ditën e zgjedhjeve vendore.
Në një intervistë për Euronews Albania, ai ka listuar disa nga qytetet me rrezikshmëri më të lartë.
Ndër to, më kryesoret sipas tij janë qyteti i Elbasanit, në të cilin janë shënuar dhe viktima, por që sot nuk përbën rrezik. Vendet e tjera ku mund të ndodhin incidente janë Shkodra, Lezha, Durrësi, Dibra, Kamza, Vora dhe deri diku edhe Durrësi.
“Elbasani, nga të gjitha analizat që ne kemi edhe në shkëmbim me burime policore nuk konsiderohet më zonë e nxehtë, problematike, por zonat e nxehta janë sigurisht nëpërmjet shumë indikatorëve të tjerë, kanë të bëjnë me kandidatët, lidhjet e tyre, grupet që i mbështesin, bacground-i kriminal, biznesmenët që janë të lidhur më pas me shërbimet që ofrohen nga bashkia dhe kanë gjithë kohën vetëm ata tendera dhe në kuadër të këtyre shikojmë dhe sondazhet e ngushta që ata kanë”, tha Karamuço.