Komiteti Teknik i Ekspertëve ka vendosur që masat e vendosura për pandeminë të mos ndryshojnë dhe pse ka një rritje të lehtë të shifrave.
Gjithashtu bëhet e ditur se është miratuar edhe doza e tretë për moshat mbi 60 vjeç që do të nisë nga 1 nëntori.
“Personat që janë mbi 60 vjeç të bëjnë dozën e tretë të vaksinave jo më herët se 6 muaj pas dozës së dytë, duke nisur që nga data 1 nëntor. Fëmijët që janë mbi 16 vjeç do të ftohen për tu vaksinuar dhe ata, me konsesusin e prindërit, rekomandimin e mjekut të familjes ose pediatër, duke nisur nga data 1 nëntor i këtij viti. Vaksinim dhe për fëmijët 12 deri në 15 vjeç dhe kanë sëmundje sipas rekomandimit të mjekut pediatër, në bashkëpunim me ISHP”, tha zv.ministrja Mira Rakacolli.
Ndërsa profesoreshë Silva Bino tha se aktualisht në Shqipëri kanë ardhur mbi 2 milionë doza vaksinash dhe janë kryer deri tani 900 mijë vaksinime me të dy dozat. Bino tha se në rang kombëtar është vaksinuar 38% e popullatës.
Bashkitë me mbulesë më të lartë vaksinale ajo tha se janë Gjirokastra dhe Tepelena.