Gjatë 24 orëve të fundit 10 drejtues mjetesh kanë rënë në pranga, 6 prej të cilëve për drejtim mjeti në gjendje të dehur dhe 4 të tjerë për drejtim mjeti pa leje.
Policia Rrugore gjithashtu njofton se 41 leje drejtimi janë pezulluar, 29 prej të cilave për shpejtësi tej normave të lejuara që varionin nga 82 km/h në qendrat e banuara, 151 km/h në rrugën interurbane Tiranë-Elbasan deri në 153km/h në rrugën interurbane Durrës-Kavajë, dhe 12 për drejtim mjeti nën efektin e alkoolit apo në gjendje të dehur.
Po ashru nga rrugorja janë ndëshkuar me masë administrative 1919 drejtues mjetesh, për shkelje të Kodit Rrugor që përbëjnë rrezik potencial për përfshirje në ngjarje rrugore, konkretisht për parakalime të gabuara, shpejtësi mbi normat e lejuara, përdorim të celularit gjatë drejtimit të mjetit, mosrespektim të semaforit, mospërdorim të kaskës mbrojtëse dhe mos vendosje të rripit të sigurimit, si dhe për mos rregullim shpejtësie dhe manovra të rrezikshme në rrugë.