Kim Kardashian, ylli i reality tv, bëri të ditur dje se “ngriu” llogaritë e saj në Facebook dhe Instagram dhe u kërkoi dhe ndjekësve të bënin këtë gjë.
Qëllimi ishte t’i dërgohej një mesazh i qartë Facebook duke mbështetur fushatën #StopHateForProfit (mjaft urrejtjes për përfitime). Ajo është personazhi i fundit i njohur që i bashkohet heshjtes 24 orëshe në Facebook, një iniciativë që ka për mbështetës edhe Leo DiCaprio, Katy Perry, Ashton Kutcher etj.
“Dezinformim i përhapur në rrjetet sociale ka një ndikim të madh në zgjedhjet tona dhe minon demokracinë tonë. Nuk mund të rri në heshjte teksa kjo platformë vijon të mbështesë përhapjen e urrejtjes, propagandës dhe dezinformimit”, ka shkruar Kardashian në Tvvitter, e cila në Instagram zë vendin e shtatë në botë si ndër personat më të ndjekur me plot 188 milionë ndjekës.
Mbështetësit e fushatës #StopHateForProfit i kërkojnë Facebook mes të tjerash, të ndalojë faqet që nxisin urrejtjes dhe të heqë dezinformimin për zgjedhjet në SHBA.