Policia e kryeqytetit ka ndaluar një 48-vjerçar nga Kruja në lidhje me aktet e dhunshme gjatë dy protestave të fundit, përpara Bashkisë së Tiranës.
Sipas Policisë ai akuzohet për prishje të qetësisë publike, shkelje të rregullave mbi lëndët plasëse dhe djegëse dhe shkatërrim i pronës me zjarr.
Dy ditë më parë protestuesit e thirrur nga Aleanca për Mbrojtjen e Teatrit, Sali Berisha dhe Ilir Meta organizuan një protestë para Bashkisë së Tiranë. Ata hodhën shishe me benzinë, vezë dhe mollë para derës së këtij institucioni.