I riu në Krujë, Xhontil Bardhi, i cili u ekzekutua një natë më parë bashkë me të vëllanë ishte një i ri që i ishte përkushtuar fesë.
Kisha Katolike, teksa ka publikuar një foto të tij me Papa Françeskun, zbulon se 24-vjeçari Xhontil Bardhi ka studiuar në Seminarin Ndërdioqezan “Nëna e Këshillit të Mirë” në Shkodër deri përpara pak muajsh me idenë dhe dëshirën për tu bërë meshtar. Përpara pak muajsh vendosi të tërhiqej për pak kohë nga studimet për të shqyrtu thirrjen e tij dhe atë që Zoti do të bëjë me jeten e tij.
Pavarësisht kësaj, i riu nuk kishte hequr dorë kurrë nga besimi dhe përkushtimi ndaj Zotit.
Por një natë më parë, ai u ekzekutua për shkak të konflikteve të të vëllait, 34-vjeçarit Gramoz Bardhit. Dy vëllezërit u vranë një natë më parë, rreth orës 22:25 në Krujë.
Dy vëllezërit, Xhentil dhe Gramoz Bardhi u qëlluan për vdekje nga Roland Pula në lokalin e fshatit Gramëz. Të rinjtë humbën jetën rrugës për në spital.
