Policia e Shtetit ka publikuar fotot e tre personave të tjerë që janë shpallur në kërkim nga Njësia Speciale e Kërkimit.
Bëhet fjalë për Sokrat Rudën një nga personat më të kërkuar të Florës, pasi më 8 qershor të 1995 ka vrarë për motive xhelozie një tjetër person. Ai është dënuar me burgim për jetë.
Gjithashtu në kërkim është ende dhe Jani Alia, autori i vrasjes së Elton Çiços në maj të 2016-tës, ngjarja që ndodhi në lokalin “De Niro”. Edhe Alia është dënuar me burgim të përjetshëm.
Personi i tretë në kërkin është Artur Kuliçi, i cili më 6 mars të 2013 pas një konflikti me disa persona të tjerë, ka qëlluar me armë zjarri duke rrezikuar jetën e disa personave dhe si pasojë ka mbetur e vrarë me armë zjarri balerina Sonila Tafa. Artur Kuliçi është dënuar me burgim të përjetshëm nga Gjykatës e Rrethit Gjyqësor Tiranë, për veprat penale “Vrasja në rrethana të tjera cilësuese” dhe “Armëmbajtja pa leje”.
