Nga Xheisara tek Elita 5, Mati 4 ditë në festë. Kryebashkiaku Malaj: Eja dhe ti

Më 31 Korrik të vitit 1943 në Mat do të organizohej një kryengritje mbarëpopullore kundër okupatorit fashist, që do bënte të mundur edhe çlirimin e Matit. Pikërisht për këtë ngjarje të madhe historike, Bashkia Mat do të organizojë për katër netë me radhë koncerte festive. Kryebashkiaku Agron Malaj fton të gjithë qytetarët dhe vizitorët nga bashkitë dhe trevat e tjera shqiptare për të qenë të pranishëm.
Festa do të nisë më 28 korrik me këngëtaren e njohur Xheisara dhe bandën e saj muzikore për të vijuar më pas në 29 korrik me tingujt e këngëtarit të muzikës popullore Gëzim Nika.
Më 30 korrik do të performojnë këngëtarët Fatmir Daja, Eli Malaj dhe Endri Mallkuqi deri në orët e vona të mbrëmjes.
Ndërsa festa do të kulmojë mbrëmjen e 31 korrikut me grupin muzikor Elita 5.