Lufta e Dytë Botërore solli shkatërrime në të gjithë globin, ku dëmet ishin kolosale thuajse në 100 shtete, ndërsa humbën jetën gati 70 milionë persona.
Sot, 80 vjet pas fillimit të luftës, provat e saj janë zbehur, por ka ende plagë që nuk janë zhdukur në natyrë.
Michael Kerrigan, në librin e tij, “Vendet e braktisura të Luftës së Dytë Botërore”, shfaq më shumë se 150 fotografi goditëse nga struktura të braktisura që gjenden në të gjithë botën, në bregdet, në pyje, por edhe në mes të qyteteve.