Pas incidentit në Shkodër ka reaguar edhe ministrja e Arsimit Besa Shahini. Me dhunë nuk merret pushteti shprehet ajo në një status në rrjetet sociale duke thënë se dita e fundit e mësimit për nxënësit është shtyrë pasi dhuna dje në Shkodër, është paralajmëruar në të tjera shkolla sot.
STATUSI I BESA SHAHINIT
Dita e fundit e mësimit është ditë e gëzueshme për nxënësit, të cilët kanë mbyllur mësimet, përshëndeten me shoqet e shokët dhe fillojnë pushimet.
Por dhuna e ushtruar nga PD dje në shkollat e Shkodrës dhe paralajmërimi për të tjera shkolla sot, na bëri të shtyjmë këtë ditë të dashur për nxënësit në këto shkolla!
Më vjen keq që partitë e pashpresa, në sajë të dëshpërimit të tyre elektoral, po dhunojnë gjithçka që u del përpara! Por me dhunë nuk merret pushteti dhe këtë fakt shpresoj ta kuptojnë sa më parë!