Një ngjarje tronditëse raportohet të ketë ndodhur mbrëmjen e sotme në qytetin e Shkodrës.
Raportohet se vëllai ka vrarë motrën e tij, pranë shkollës “Ndoc Mazi” në lagjen “3 heronjtë” në Shkodër.
Mësohet se viktima është Diana Vuka, ndërsa në pranga është vënë vëllai i tij, Fabian Vuka.
Bëhet e ditur se gruaja rreth të 50-ve kishte ardhur për pushime në Shkodër, pasi prej kohësh jetonte në Gjermani.
Autori Fabian Vuka njihet si një person i alkoolizuar, por ende nuk dihet nëse në momentin e krimit kishte konsumuar alkool apo jo.
Motivet për ngjarjen janë ende të paqarta, ndërsa Policia po punon për zbardhjen e ngjarjes.
Besohet se ngjarja ka ndodhur ditën e djeshme dhe sot është zbuluar nga Policia vendore.
Shkodër/ Informacion paraprak
Rreth orës 22:30, në lagjen “Ndoc Mazi”, Shkodër, në banese është gjetur e pa shenja jete shtetasja D. V. 58 vjeçe.
Nga veprimet e para hetimore dyshohet se është vrarë me armë zjarri nga vellai i saj shtetasi F. V., 55 vjeç, i cili është shoqëruar në ambientet e Komisariatit të Policisë Shkodër për veprime të mëtejshme.
Grupi hetimor, nën drejtimin e Prokurorisë po vijon punën për sqarimin e plotë të rrethanave të ngjarjes