Një 44-vjeçar është gjetur i pajetë në banesën e bashkëjetueses në Libofshë të Fierit.
Policia njoftoi se ai është gjetur i pajetë nga partnerja dhe dyshohet se është vetëvraur.
“Sot rreth orës 13:00, në fshatin Libofshë, Fier, në oborrin e banesës, është gjetur nga bashkëjetuesja e tij, i vetëvarur shtetasi grek J. A., 44 vjeç, i cili bashkëjetonte me shtetasen E. G., në banesën e saj në Libofshë”, thuhet në njoftimin e policisë për ngjarjen.
Grupi hetimor po punon për zbardhjen e plotë të ngjarjes, shtuan të njëjtat burime.