Ngjarje shokuese, Policia gjen mbetje kockore në një gropë djegieje qymyri

Një 67-vjeçar dyshohet ka rënë aksidentalisht në një gropë ku digjej qymyr. Policia e Shkodrës bën me dije se rreth orës 22:45, në një gropë të improvizuar për djegie të qymyrit, në fshatin Vilzë, janë gjetur mbetje kockore të djegura, të cilat dyshohet se përkasin shtetasit Q. L. Nga hetimet e deritanishme dyshohet se i moshuari ka rrëshqitur aksidentalisht në gropë, gjatë mbrëmjes së djeshme, teksa aty po digjej qymyr. Grupi hetimor, në drejtimin e Prokurorisë, vijon punën për sqarimin e rrethanave të kësaj ngjarjeje.