Një ngjarje tragjike ndodhi mbrëmjen e të dielës në Fier. Një trup i pajetë është gjetur në një kanal në fshatin Hoxhare e vjetër të njësisë Dermenas ne Fier. Mendohet që personi i seksit mashkull, është përplasur nga një makine dhe ka përfunduar ne kanal.
Burimet e para thonë se pas përplasjes trupi i pajetë është gjetur nga familjarët dhe është shoqëruar për ne spitalin e Fierit nga i ati.
Mësohet se ai është një 22-vjecar me iniciale A.Xh. Viktima ndodhet në morgun e spitalit te Fierit.
Policia:
Gjatë orëve të mbrëmjes, në aksin rrugor Fier-Ndërmënas, në kanalin anësor të rrugës është gjetur trupi i pajetë i shtetasit A.Xh, 20 vjeç. Nga rrethanat në të cilat është gjetur trupi i pajetë dyshohet të ketë ndodhur aksident automobilistik pasi ka mbetje nga mjeti që e ka goditur. Po punohet për identifikimin e mjetit dhe drejtuesin e tij. Eshtë ngritur grupi hetimor dhe po punon për zbardhjen e plotë të kësaj ngjarje.