Këngëtari shkodran Luiz Ejlli ka qenë dhe vazhdon të jetë tema kryesore e debateve dhe bisedave në shtëpinë e “Big Brother VIP”, por edhe jashtë saj.
Shumë personazhe të njohur kanë shprehur publikisht mbështetjen për të, si dhe kanë komentuar lojën e tij. Së fundmi, edhe ish-kryeministri Sali Berisha i është përgjigjur përshëndetjeve dhe simpatisë së shprehur të Luizit për liderin demokrat.
Pak ditë më parë, teksa po festonin ditëlindjen e Kiarës, këngëtari kërkoi që të ngrihet edhe një dolli në shenjë respekti për kryetarin e PD-së.
“Është një demokrat i njohur në të gjithë jetën e tij. Ka një energji të pashtershme, siç e dëshmon. Një njeri që ka përdorur të gjithë talentin e pamohueshëm për të tërhequr simpatizantë me shpejtësi të jashtëzakonshëm. Një mjeshtër në marrëdhënie publike. E falënderoj shumë për dollinë”, u shpreh Berisha në fund të intervistës së zhvilluar në “Syri Tv”.