8 dollarë do të jetë pagesa mujore për përdoruesit e platformës Twitter, për të verifikuar llogarinë në emër të tyre. Ky është vetëm një nga ndryshimet e platformës sociale, mes shumë të tjerash që pritet të ndodhin, pasi Musk bleu kompaninë për 44 miliardë dollarë.
Shenja në ngjyrë blu që shfaqet në krah të emrit që normalisht është një figurë me profil të lartë është falas. Sipas kritikëve, kjo lëvizje mund ta bëjë edhe më të vështirë identifikimin e burimeve të besueshme.
Elon Musk, njeriu më i pasur në botë tha se përdoruesit me pagesë të Twitterit, do të jenë prioriteti sa i takon furnizimit me informacion dhe kërkime. Projekti iu dha punonjësve të tij të dielën dhe me detyrim, skema e re duhet të hyjë në fuqi nga e hëna e ardhshme e 7 nëntorit.